ஞாயிறு, 22 மார்ச், 2015

புள்ளி


வாய் பிளந்து
காலத்தின் இடைத் திட்டில்
காத்திருந்தது
ஒரு புள்ளி

சுற்றிலும்
சீறி மின்னிச் சென்ற
அணுத்துகளில்
ஒன்று
சட்டென நின்றது

புள்ளியுள் நுழைந்தது

கறுத்து  மேலும்
சிறுத்துச் சுழன்றது
கனத்த புள்ளி

சப்த வியாபகத்தில்
ஆணியால் கிறுக்கிய
வெளுத்த சித்திரங்கள்
சுற்றிலும்  மிதந்தோட,

இடைத்தட்டில்
காத்திருக்கிறது
கனத்த புள்ளி

காத்திருக்கிறது
தூரிகையின் ஒரு
நார் நுனி தேடி

கருத்துகள் இல்லை:

கருத்துரையிடுக

நீ எனும் தற்சுட்டு: அபி கவிதைகள் – இசை (தமிழினி)

நேர்காணல் ஒன்றில், “உங்கள் கவிதைகளை அணுகுவதற்கு எந்த விதமான தயாரிப்புகள் தேவை? “ என்று கேட்கப்படுகிறது அபியிடம். அதற்கு அவர், “வேண்டுமா...